Íbúarnir gera kröfur

Snæfellsnes er fyrsta landsvæðið í Evrópu sem fær umhverfisvottun Green Globe-samtakanna og það fjórða í heiminum. Kristinn Jónasson bæjarstjóri í Snæfellsbæ segir undirbúningsferlið hafi krafist mikillar vinnu, enda sveitarfélögunum settar strangar kröfur til að fá slíka alþjóðlega vottun.

»Þegar við vorum að stíga fyrstu skrefin í þessari vinnu var gert hálfgert grín að okkur, vísur á þorrablótum og svo framvegis. Í dag er staðan allt önnur. Nú gera íbúarnir kröfur til sveitarfélaga hérna á Snæfellsnesi um að þau standi sig vel í umhverfismálum. Grænfáninn blaktir við hún í grunnskólum og leikskólum á svæðinu, en til að fá að flagga honum þarf að uppfylla ýmsar kröfur í umhverfismálum. Tvær hafnir á svæðinu hafa fengið Bláfánann, sem er alþjóðlegt umhverfismerki sem hefur þann tilgang að stuðla að verndun umhverfis hafna”, segir Kristinn.

Heimasíða Snæfellsbæjar